O Grupo de Tecnoloxía Enerxética (GTE) créase hai máis de 20 anos co obxectivo de fortalecer as capacidades no ámbito da enxeñaría da enerxía e converterse nun referente académico e investigador a nivel estatal, así como nun piar do desenvolvemento tecnolóxico e científico de Galicia.
Na actualidade, o grupo conta con máis de 30 membros, situándose entre aqueles con maior produción científica e transferencia da Universidade de Vigo, con máis de 150 artigos en revistas internacionais de prestixio e máis de 100 comunicacións en congresos. Esta traxectoria valeulle diversos recoñecementos institucionais, como o de grupo de referencia competitiva galego pola calidade da súa investigación.
O GTE combina investigación aplicada e desenvolvemento tecnolóxico no ámbito da descarbonización, da eficiencia enerxética e da transición ecolóxica, cunha forte orientación á colaboración coa industria e á participación en proxectos europeos.
Máis información:
https://portalcientifico.uvigo.gal/grupos/17752/detalle
José Luis Míguez Tabarés - jmiguez@uvigo.gal
