CINTECX é o Centro de Investigación en Tecnoloxías, Enerxía e Procesos Industriais da Universidade de Vigo.
CINTECX concentra o esforzo multidisciplinar dos seus investigadores para desenvolver investigación básica e orientada e transferir coñecemento ao sector produtivo cun alto nivel de excelencia e competitividade.
A longa traxectoria dos investigadores do seu amplo equipo permite permite ao centro situarse á vangarda da I+D+i en liñas como as enerxías renovables, a eficiencia enerxética, o aproveitamento de recursos naturais, a valorización de residuos industriais, o desenvolvemento e a aplicación de técnicas de fabricación avanzada e novos materiais, tecnoloxías de propulsión limpa ou a intelixencia artificial.
Visión
A visión de Cintecx é consolidarse como centro de referencia a través da excelencia investigadora, producindo un impacto real na contorna e nos nosos socios tecnolóxicos e industriais e xerando masa crítica en investigación.
A visión de Cintecx é consolidarse como centro de referencia a través da excelencia investigadora, producindo un impacto real na contorna e nos nosos socios tecnolóxicos e industriais e xerando masa crítica en investigación.
Misión
A misión do Centro é xerar e difundir coñecemento excelente e transferir innovación no ámbito da enerxía, tecnoloxías e procesos industriais, poñendo o foco nas persoas e no desenvolvemento sustentable.
Valores
Sustentabilidade
Confianza
Eficiencia
Excelencia
Igualdade
Obxectivos
CINTECX define os seus obxectivos estratéxicos organizados en catro eixes de actuación prioritarios:
A Investigación, transferencia e innovación
Xeración de coñecemento científico e tecnolóxico excelente, apoiando o ecosistema de ciencia accesible e en aberto, e fomentando a ética na investigación.
Transferencia continua de coñecemento ao mercado colaborando directamente co sector industrial e o resto dos axentes do ecosistema innovador, orientando a investigación e a tecnoloxía para dotar á industria de solucións innovadoras e sustentables.
Fortalecemento da relación ciencia e sociedade, a través da comunicación social da ciencia e a participación da cidadanía, prestando especial atención a colectivos con barreiras de acceso á ciencia.
Valorización dos resultados de investigación, por medio dunha contorna que potencie as spin-offs, apoie a xeración e licenciamiento de patentes, e o achegamento a mercado.
O modelo de relación
Ser voz activa e participativa no pensamento innovador, científico e sustentable na contorna, e ser socio tecnolóxico dos principais actores do ecosistema de innovación galego.
Desenvolvemento e implementación dun Plan Integral de Comunicación e unha estratexia de marca e imaxe corporativa.
Impulso dunha comunicación científica eficaz, ética e profesional con públicos diversos para fortalecer o diálogo e o compromiso mutuo entre a ciencia e a sociedade.
As persoas
Creación dunha contorna de traballo incentivador, inclusivo, sustentable e seguro, que facilite o desenvolvemento da carreira investigadora, garanta a igualdade de oportunidades, impulse o cumprimento dos ODS e mellore a vida das persoas de CINTECX.
Apoio á formación do persoal investigador e á consolidación da carreira profesional a través das actividades de mobilidade internacional e posicionamento a nivel internacional como centro receptor de talento.
A calidade, avaliación e recoñecemento
Obter o recoñecemento do desempeño e da calidade investigadora de CINTECX en convocatorias de excelencia de centros de investigación.
Avanzar na calidade da xestión administrativa e de apoio á investigación, simplificando os procedementos e mellorando a transparencia e a rendición de contas.
Promover o recoñecemento da excelencia investigadora do persoal de CINTECX.
Obxectivos de desenvolvemento sostible
