CINTECX Annual Challenge

CINTECX realiza unha convocatoria anual do denominado “CINTECX Annual Challenge”. É unha convocatoria competitiva e aberta a todo o persoal investigador do centro, na que anualmente se financia un proxecto de investigación no ámbito das Tecnoloxías Industriais, que debe presentar unha proposta colaborativa entre diferentes grupos do centro. O proxecto ten unha duración dun ano natural, e durante os últimos meses do proxecto, para tentar chegar a unha audiencia xeralista, os seus resultados preséntanse no evento específico e realízanse actividades de difusión, seguindo as políticas de CINTECX e a Universidade de Vigo.