Con estes Seminarios, os investigadores do CINTECX dan a coñecer as súas investigacións internamente. h3>
O 11 de setembro, CINTECX celebrou unha nova sesión dos seus Seminarios Científicos. Nesta ocasión, Muataz Safaa Abed Albadri foi o encargado do relatorio, onde expuxo un adianto do estudo que presentará na ISPRS Geospatial Week, que se celebrará en Dubai do 6 ao 11 de abril de 2025 . Durante a súa intervención, Muataz Albadri mostrou os avances da súa investigación titulada Automatic Segmentation and IFC Model Generation of Indoor Scans.
Ademais, o profesor Jeffrey Beasley, do Centro de Linguas, proporcionou valiosas ferramentas para mellorar a comunicación en exposicións orais, que o relator poderá aplicar en futuros congresos, reunións internacionais e defensas de teses doutorais.
O próximo seminario está programado para o 30 de outubro, con asistencia aberta e as persoas interesadas poden atopar máis detalles na ligazón de Seminarios Científicos CINTECX 2024: href=”https://cintecx.uvigo.es/é/event/seminarios-cientificos-2024-04-24-2024-10-30/2024-10-30/”>Seminarios Científicos
Estes encontros alíñanse coa visión do centro de impulsar a colaboración entre investigadores e promover novas oportunidades de cooperación entre o persoal investigador e á súa vez, enmarcados no Programa Mentoring de CINTECX.