O investigador Juan Jesús Rico defende a súa tese sobre reducción de emisións en sistemas de combustión de biomasa

Reducións nas emisións de materia particulada de ata un 60% son posibles coa introdución dun material poroso inerte.

O pasado 30 de xaneiro, o investigador Juan Jesús Rico Fuentes, defendeu a súa tese “Reduction of emisions in biomass combustion systems” en CINTECX conseguindo o título de doutor. Con este traballo, dirixido por Raquel Pérez Orozco e David Patiño Vilas, ambos los dous investigadores de CINTECX, Rico Fuentes ha contribuido á identificación, caracterización e experimentación sobre novos biocombustibles sólidos, mellora das propiedades da combustión mediante o aditivado dos combustibles, deseño de novos sistemas de captura e retención de Compostos Orgánicos Volátiles e eeseño e validación dun novo sistema de redución de materia particulada baseado nunha cerámica porosa inerte.

Entre os principais achados desta tese destacan as reducións nas emisións de materia particulada de ata un 60% coa introdución do material poroso inerte proposto. Do mesmo xeito, o sistema de captura de Compostos Orgánicos Volátiles deseñado produciu resultados moi prometedores na retención destes compostos, e a súa portabilidade permite o seu uso en instalacións reais e a posterior análise en laboratorio das substancias emitidas.

A través da súa investigación, Juan Jesús Rico demostrou cos combustibles baseados en materia vexetal residual son un importante vector enerxético para a Eurorrexión Galicia-Norte de Portugal. Un exemplo especialmente exitoso é o do pellet de toxo, que aditivado con carbonato cálcico funciona de xeito moi similar ó pellet comercial.

Os resultados deste traballo teñen grandes aplicacións á industria, como se demostra nos proxectos con financiamento europeo Avienergy e Biomasa-CAP que se levaron a cabo durante a mesma e que supuxeron a posta en práctica de modelos e prototipos en instalacións reais de combustión.

A tese levouse a cabo con financiación das bolsas predoutorais da Universidade  de Vigo, e tamén incluiu unha estadía na Otto-von-Guericke Universität Magdeburg, onde se estableceu unha moi boa colaboración científica. .