O Grupo ENCOMAT (Enxeñaría de Corrosión e Materiais), cunha traxectoria de máis de 25 anos, é un equipo de referencia en investigación aplicada sobre a durabilidade dos materiais, a protección contra a corrosión e o desenvolvemento de recubrimentos avanzados para infraestruturas de transporte e construción.

Cunha sólida traxectoria, avalada por máis de 200 artigos científicos publicados, 19 teses de doutoramento dirixidas e máis de 50 proxectos autonómicos e nacionais, en programas como o de xeración de coñecemento, ENCOMAT contribúe ao deseño de materiais máis sostibles, seguros e resilientes, combinando técnicas avanzadas de análise electroquímica, ensaios acelerados de envellecemento e solucións innovadoras de protección superficial.

Os seus desenvolvementos teñen aplicación directa en sectores como a construción, a enerxía, a automoción, as infraestruturas de transporte e a industria naval. Cómpre destacar que este grupo está recoñecido como grupo de potencial crecemento.

Máis información:
https://portalcientifico.uvigo.gal/grupos/17674/detalle