Creado en 2021, o grupo DSN conta cunha traxectoria investigadora consolidada desde 2001. A súa misión é xerar coñecemento nos ámbitos da enxeñaría mecánica e da matemática aplicada, promovendo a transferencia tecnolóxica cara ao tecido industrial.

Con máis de 120 publicacións científicas e 2 teses de doutoramento dirixidas, DSN está recoñecido pola Xunta de Galicia como Grupo de Potencial Crecemento.

A súa actividade céntrase na análise e deseño de sistemas mecánicos complexos, na integración de solucións mecatrónicas, na modelización computacional de estruturas e materiais, e no desenvolvemento de métodos numéricos aplicados á enxeñaría.

O grupo combina técnicas avanzadas de simulación, cálculo e análise para abordar retos en sectores como a automoción, a enerxía, a biomecánica e a fabricación industrial.

Máis información:
https://portalcientifico.uvigo.gal/grupos/17833/detalle

Enrique Casarejos Ruiz - e.casarejos@uvigo.gal

Áreas de investigación

Electronica e Automatización

Electronica e Automatización
Enerxía

Enerxía
Ingeniería Biomédica

Ingeniería Biomédica

Liñas de investigación

  • Desenvolvemento de modelos de orde reducida e análise numérica de problemas en mecánica de sólidos e dinámica multicorpo.
  • Modelización e cálculo numérico mediante métodos de elementos finitos aplicados á enxeñaría.
  • Investigación en modelos computacionais (FEM – CFD) para instrumentación científica e física médica.
  • Deseño e integración de sistemas mecano‑electro‑electrónicos (mecatrónica) para aplicacións industriais e científicas.