Félix Quintero Martínez, docente titular do Departamento de Física Aplicada e investigador do grupo LaserON, acaba de ser nomeado polo reitor da UVigo, Manuel Reigosa, vicerreitor de Planificación e Sostibilidade. Quintero, que releva no cargo ao catedrático José Cidrás Pidre, complementou o seu labor docente e investigador nos últimos catro anos e medio coa subdirección do Cintecx, Centro de Investigación en Tecnoloxías, Enerxía e Procesos Industriais da Universidade de Vigo, cargo no que non continuará ao incorporarse á dirección da Vicerreitoría de Planificación e Sostibilidade.
Nacido en Santiago de Compostela en 1974, Quintero é enxeñeiro industrial pola UVigo, onde tamén se doctorou cunha tese sobre corte por láser de cerámica avanzada. O Materials Science and Engineering Dept. de Rutgers University, EE. UU; o Materials Dept. do Imperial College of London e o 3Bs Research Group (Universidad de Minho, Portugal), son algúns departamentos onde desenvolveu a súa traxectoria investigadora, na que destaca por ser co-inventor da técnica patentada Laser Spining para a produción de nanofibras de vidro, así como do único método coñecido para a produción ininterrompida de nanofibras de vídro continuas a partir dun fundido, Cofiblas, que conta cunha patente triádica concedida por la European Patent Office (EPO), a Oficina Xaponesa de Patentes (JPO) e a oficina estadounidense USPTO (2024), ademais da española.
Quintero e coautor de máis de 70 artigos de investigación indexados no JCR e co-inventor de 15 patentes españolas e seis internacionais.