Eventos no ámbito da igualdade

Cintecx celebrou en 2025 unha nova edición da campaña de sensibilización en materia de xénero Cámara Aberta Cintecx ás Mulleres e Homes STEM, financiado pola Unidade de Igualdade, unha iniciativa coa que o centro busca visibilizar a realidade persoal e profesional do persoal investigador, promovendo a igualdade de xénero e a conciliación no ámbito científico e tecnolóxico.

O 23 de xuño de 2025, Día Internacional da Muller na Enxeñería, Cintecx celebrou a xornada “Por que faltan mulleres na enxeñería?”, un encontro que reuniu a expertas e expertos do ámbito académico, industrial e da igualdade para analizar as causas e posibles solucións á escasa presenza feminina neste ámbito profesional.

Cinco mulleres do ámbito investigador público e privado compartiron as súas experiencias na xornada Mulleres que Lideran, unha iniciativa impulsada por CINTECX e o centro tecnolóxico Aimen co obxectivo de impulsar a continuidade da carreira investigadora das mulleres que traballan nestes campos, dándolles pautas a seguir que lles axuden a forxar unha carreira profesional de éxito.

A exposición “Mulleres Investigadoras en CINTECX” con motivo do Día da Muller e a Nena na Ciencia, recolle imaxes de 12 científicas que animan a nenas e nenos a facer ciencia sen estereotipos de xénero. Esta iniciativa busca promover por igual as vocacións investigadoras e científicas no ámbito do coñecemento das ciencias técnicas.

CINTECX visibiliza ás mulleres investigadoras a través dun calendario ilustrado para conmemorar o 11F e inspirar as vocacións das máis novas.

Dende CINTECX celebramos o día Internacional da Muller na Enxeñaría de 2024 cunha campaña de visibilización ás investigadoras do centro.

Cintecx, Comunicación e Comercio reciben o Distintivo de Igualdade da UVigo.

Tres novos exemplos dunha universidade máis xusta, igualitaria e excelente.

Financiada pola Cátedra de Feminismos 4.0 Depo-UVigo, recolle criterios e pautas concretas de actuación. Con esta guía búscase dotar ao persoal investigador das ferramentas e pautas específicas para mellorar a calidade das súas propostas de investigación, fomentando un enfoque máis inclusivo no ámbito científico.

Con motivo do Día da Muller e a Nena na Ciencia o 11 de febreiro de 2024, CINTECX puxo en marcha a iniciativa Cámara Aberta para compartir a experiencia das investigadoras do centro coas novas estudantes para motivar vocacións científicas.

Con motivo da celebración do 8M de 2023 celebrouse unha mesa redonda sobre a igualdade da muller no ámbito da enxeñería. Contou coa participación de tres enxeñeiras formadas na nosa universidade, e hoxe en día profesionais de éxito en diferentes empresas, representantes do PDI e a directora do centro.