O grupo de investigación EQ10 é un grupo multidisciplinar creado no ano 2009 na Escola de Enxeñaría Industrial. Desenvolve actividades no ámbito da Tecnoloxía Ambiental, cun enfoque na economía circular para a valorización de residuos da industria agroalimentaria, orientado á obtención de produtos de alto valor engadido, tales como biosurfactantes, antioxidantes, bioadsorbentes, antibióticos, entre outros.

Actualmente está integrado por 9 membros. Os seus coordinadores acumulan 4 sexenios de investigación, máis de 140 artigos SCI publicados, máis de 180 comunicacións a congresos, participación en máis de 40 proxectos de I+D e a codirección de 9 teses de doutoramento. Desde a súa creación, conta coa mención da Xunta de Galicia como “Grupo Emerxente” e “Grupo con Potencial de Crecemento”.

Máis información:
https://portalcientifico.uvigo.gal/grupos/17792/detalle

José Manuel Cruz Freire - jmcruz@uvigo.gal

Áreas de investigación

Sostibilidade e recursos naturais

Sostibilidade e recursos naturais

Liñas de investigación

  • Produción de biosurfactantes a partir de licores de lavado de millo: actualmente en promoción coa GAIN, a través do programa IGNICIA, para a súa aplicación en distintos sectores agroindustriais.
  • Produción de extractos biosurfactantes singulares a partir de residuos agroindustriais típicos da nosa comunidade autónoma para a súa aplicación en distintos sectores agroindustriais, principalmente na limpeza de superficies e no ámbito ambiental, así como no sector cosmético e no sector agroquímico.
  • Promoción de novos antibióticos mediante a produción biotecnolóxica de análogos de gramicidina S a través de procesos de fermentación e separación sustentables.