Convocatoria
O Plan Estratéxico de CINTECX contempla, dentro do plan de acción para o cumprimento dos seus obxectivos estratéxicos, unha convocatoria anual de axudas na modalidade de concorrencia competitiva denominada CINTECX Challenge, para o desenvolvemento de proxectos de I+D colaborativos entre os investigadores integrados no centro.
Con tal fin, convócase a axuda CHALLENGE 2024.
O prazo para participar nesta convocatoria estará aberto dende o 7 ata o 27 de febreiro de 2024.
As propostas que se axusten ao establecido na convocatoria defenderanse durante unha Xornada Técnica en CINTECX, na que se realizará a avaliación das mesmas e a selección da proposta gañadora.
Un aspecto importante deste desafío é conseguir un impacto social relevante na rexión polo que os resultados da proposta gañadora preséntanse nun evento específico e realízanse actividades de difusión dos mesmos.
Requisitos das solicitudes
- Os integrantes do equipo de investigación deben ser membros do Centro de Investigación de Tecnoloxías, Enerxía e Procesos Industriais (CINTECX) no momento de presentación da solicitude.
- Deben contar coa participación de polo menos 2 investigadores, de polo menos dous grupos de investigación de CINTECX (un ou dous dos cales actuarán como IPs) co fin de aumentar o grao de cohesión entre os investigadores do Centro. A proposta deberá contar co visto e prace dos coordinadores dos seus grupos de investigación aos que pertenza o equipo investigador.
- A proposta presentada debe estar aliñada coas áreas tecnolóxicas e as liñas prioritarias da axenda científica de CINTECX e contribuír á proxección e visibilidade do centro.
- A proposta debe ser orixinal.
Consulta a convocatoria completa.
Resolución
Unha vez realizada a avaliación das solicitudes presentadas na Xornada Científica CINTECX CHALLENGE 2024, celebrada o 29/02/2024 , faise pública a resolución da convocatoria.
Consulta a Resolución Challenge-2024