Igualdade en CINTECX


 

CINTECX, conforme ao recollido na nosa “Política de igualdade”, está comprometido coa igualdade efectiva entre mulleres e homes, manifesta o seu total compromiso coa garantía da integración da igualdade de oportunidades entre mulleres e homes en todos os ámbitos e actividades que se desenvolven no centro, e asume o encargo de impulsar medidas no ámbito das competencias do centro para conseguir a igualdade real.

Para conseguir este obxectivo, CINTECX realiza unha análise desagregada por xénero de toda a súa actividade, así como accións específicas de promoción do talento feminino e diferentes eventos.

Análise de CINTECX con perspectiva de xénero


Realización de enquisas anuais para coñecer as situacións de discriminación, micromachismos ou outras situacións que se poidan producir no centro para tomar, no seu caso, as medidas pertinentes.

Análise anual con datos desagregados por xénero para coñecer a situación real do centro respecto a a igualdade efectiva e non discriminación por razón de sexo.

Promoción do talento feminino


Dende o centro lévanse a cabo diversos eventos e accións para promocionar e visibilizar o traballo e a investigación levada a cabo polos seus investigadoras.

Preténdese visibilizar ás mulleres no ámbito das Tecnoloxías, coa intención de crear referentes femininos e espertar vocacións neste ámbito.

Eventos no ámbito da igualdade


Cintecx, no seu compromiso coa promoción da igualdade e a perspectiva de xénero, leva a cabo numerosas actividades e campañas que teñen como eixo principal impulsar unha investigación inclusiva e igualitaria, que axude a aumentar a presenza feminina en todos os ámbitos da ciencia e investigación.

Persoal implicado coa igualdade


Cintecx conta con persoal experto con experiencia e implicación na promoción da igualdade de xénero dende a súa creación, persoal que se pretende incrementar ano a ano a través de formación en igualdade.