Neste mes de abril presentamos a Gloria Pena, investigadora do CINTECX que participou na iniciativa do Calendario CINTECX 2025, compartindo a súa experiencia como investigadora e motivando aos investigadores máis novos.
GLORIA PENA: “Necesitamos científicos que traballen xuntos en pé de igualdade para avanzar.”.
Investigo a modificación superficial de aliaxes metálicas, materiais nanocompostos de matriz de aluminio e fabricación aditiva de biomateriais metálicos con biocompatibilidade mellorada.
A combinación de investigación e docencia no meu traballo satisface a miña curiosidade compulsiva e a necesidade de compartir o que aprendo.
A adaptabilidade é fundamental no meu campo debido ás cambiantes demandas da industria e aos avances nos materiais e as técnicas de procesamento que nos obrigan a axustar o noso traballo para satisfacer esas demandas.
O traballo do noso grupo está claramente enfocado na mellora de dous materiais para a industria, aumentando a súa resistencia mecánica ao desgaste e á corrosión. Tamén colaboramos na mellora dos procesos produtivos na importante labor educativa de formación de profesores e enxeñeiros, que construirán o futuro.
É importante non destruír a curiosidade innata das nenas e ofrecer actividades que manteñan o seu interese e confianza. Este esforzo debe motivar ás familias, animándoas a participar en actividades “tipicamente masculinas”, como a posta en marcha dun negocio. O campo da enxeñaría segue sendo un campo predominantemente masculino e ese é o noso reto.