Convocatoria
O Plan Estratéxico de CINTECX contempla, dentro do plan de acción para o cumprimento dos seus obxectivos estratéxicos, unha convocatoria anual de axudas na modalidade de concorrencia competitiva denominada CINTECX Challenge, para o desenvolvemento de proxectos de I+D colaborativos entre os investigadores integrados no centro.
Con tal fin, convócase a axuda CHALLENGE 2026.
O prazo para participar nesta convocatoria estará aberto dende o 9 de decembro de 2025 ata o 9 de xaneiro de 2026.
As propostas que se axusten ao establecido na convocatoria defenderanse durante unha Xornada Técnica en CINTECX, na que se realizará a avaliación das mesmas e a selección da proposta gañadora.
Un aspecto importante deste desafío é conseguir un impacto social relevante na rexión polo que os resultados da proposta gañadora preséntanse nun evento específico e realízanse actividades de difusión dos mesmos.
Requisitos das solicitudes
- A proposta presentada debe ser orixinal e estar aliñada coas áreas tecnolóxicas e as liñas prioritarias da axenda científica de CINTECX e contribuír á proxección e visibilidade do centro.
- Deben participar polo menos 2 dous grupos de investigación de CINTECX
Máis detalles na convocatoria.
Consulta a convocatoria completa e o formulario de solicitude.
Resolución
Unha vez realizada a avaliación das solicitudes presentadas na Xornada Científica CINTECX CHALLENGE 2026 farase pública a resolución da convocatoria.