Son enxeñeira industrial mecánica, dedicada a proxectos de I+D+i e homologacións, analizando estratexias para vehículos de transporte de pasaxeiros máis seguros, eficientes e sostibles, e buscando harmonizar a regulamentación a nivel mundial.
A investigación permíteme desenvolver capacidades técnicas, afrontando retos tecnolóxicos sen solución clara e reorientando proxectos para acadar o éxito.
O traballo en I+D+i require idear e seleccionar proxectos, analizando múltiples factores e pensando a longo prazo para reducir riscos e garantir o éxito.
Os proxectos de I+D+i en transporte contribúen a unha sociedade máis segura e sostible, desenvolvendo vehículos que integran compoñentes urbanos nun ecosistema global.
Ás mozas diríalles que todas as persoas poden desenvolver ao máximo as súas capacidades, e que todas as características necesarias para investigar se ven representadas na muller, o que as fai idóneas para este tipo de proxectos.
Consulta o calendario ilustrado de CINTECX coas experiencias e motivacións de 12 investigadoras do centro: Calendario Igualdade-CINTECX 2025