{"id":262215,"date":"2026-04-17T10:04:18","date_gmt":"2026-04-17T08:04:18","guid":{"rendered":"https:\/\/cintecx.uvigo.es\/cintecx-acerca-la-investigacion-puntera-al-alumnado-con-la-jornada-inmersiva-alerta-verde\/"},"modified":"2026-04-17T10:24:42","modified_gmt":"2026-04-17T08:24:42","slug":"cintecx-acerca-la-investigacion-puntera-al-alumnado-con-la-jornada-inmersiva-alerta-verde","status":"publish","type":"post","link":"https:\/\/cintecx.uvigo.es\/gl\/cintecx-acerca-la-investigacion-puntera-al-alumnado-con-la-jornada-inmersiva-alerta-verde\/","title":{"rendered":"CINTECX achega a investigaci\u00f3n punteira ao alumnado coa xornada inmersiva Alerta Verde"},"content":{"rendered":"

O Centro de Investigaci\u00f3n en Tecnolox\u00edas, Enerx\u00eda e Procesos Industriais (CINTECX) celebrou a xornada inmersiva h\u00edbrida \u201cAlerta Verde\u201d, unha innovadora actividade de divulgaci\u00f3n cient\u00edfica que reuniu m\u00e1is de 140 estudantes procedentes de cinco institutos galegos. O alumnado, pertencente a centros educativos de Vilagarc\u00eda de Arousa, Baiona, A Guarda, Vigo e Beade, puido co\u00f1ecer de primeira man a investigaci\u00f3n que se desenvolve neste centro da Universidade de Vigo.<\/p>\n

A actividade desenvolveuse en formato de escape room h\u00edbrido, combinando desde o inicio a exploraci\u00f3n presencial das instalaci\u00f3ns do CINTECX coa interacci\u00f3n nun contorno virtual a trav\u00e9s de dispositivos electr\u00f3nicos. Esta integraci\u00f3n permitiu \u00e1s persoas participantes percorrer laboratorios, zonas t\u00e9cnicas e infraestruturas cient\u00edficas mentres resolv\u00edan diferentes desaf\u00edos vinculados coa sustentabilidade, a enerx\u00eda e a tecnolox\u00eda.<\/p>\n

Ao longo do percorrido, o alumnado atopou c\u00f3digos QR situados estratexicamente en distintos espazos do centro, como laboratorios e equipos cient\u00edficos. Ao escanealos, acced\u00edan a pistas, contidos explicativos e novos retos que lles permit\u00edan avanzar na narrativa do xogo, reforzando a conexi\u00f3n entre o contorno real e o virtual e mantendo unha experiencia inmersiva continua.<\/p>\n

\n

Rutas cient\u00edficas gamificadas para resolver unha alerta ambiental<\/h3>\n
\n

Durante a xornada, as persoas participantes organiz\u00e1ronse en grupos para completar oito retos diferentes, distribu\u00eddos nas rutas A e B de \u201cAlerta Verde\u201d. Cada ruta permitiu ao alumnado enfrontarse a desaf\u00edos cient\u00edficos reais, observando e analizando directamente os equipos, sistemas e infraestruturas do centro e aplicando o razoamento cient\u00edfico para resolver as probas propostas.<\/p>\n

As rutas A e B inclu\u00edron probas relacionadas con li\u00f1as clave de investigaci\u00f3n do centro, como a an\u00e1lise de combustibles, t\u00e9cnicas avanzadas para a depuraci\u00f3n de augas, o uso de l\u00e1seres na investigaci\u00f3n, o funcionamento de sistemas de enerx\u00eda solar ou o papel das materias primas cr\u00edticas na transici\u00f3n enerx\u00e9tica. Tam\u00e9n co\u00f1eceron como se dese\u00f1an materiais ecoadsorbentes e como funcionan unha caldeira de hidr\u00f3xeno e unha pila galv\u00e1nica.<\/p>\n

<\/div>\n<\/div>\n<\/div>\n

Ciencia inclusiva para espertar vocaci\u00f3ns desde a infancia<\/h3>\n
\n

A iniciativa \u201cAlerta Verde\u201d inclu\u00edu tam\u00e9n unha vertente de ciencia inclusiva. No marco das xornadas de portas abertas, o xoves 16 de abril o CINTECX recibiu preto de 30 nenos e nenas da Fundaci\u00f3n Secretariado Xitano de Vigo, con idades comprendidas entre os 8 e os 18 anos, nunha actividade dese\u00f1ada para achegar a ciencia a colectivos con menor acceso a este tipo de experiencias.<\/p>\n

Repartidos en dous grupos, os m\u00e1is pequenos puideron co\u00f1ecer como funciona un dron, descubrir os segredos da combusti\u00f3n e experimentar cos procesos de depuraci\u00f3n de augas residuais, mentres o persoal investigador do centro respond\u00eda \u00e1s s\u00faas preguntas, espertando a curiosidade cient\u00edfica tanto de pequenos como de maiores.<\/p>\n

Pola s\u00faa banda, o grupo de maior idade participou en actividades vinculadas \u00e1s li\u00f1as de investigaci\u00f3n do centro, como materias primas cr\u00edticas, pila galv\u00e1nica, sistema fotovoltaico e caldeira de hidr\u00f3xeno, onde tiveron que resolver diferentes enigmas para completar a ruta, seguindo a mesma din\u00e1mica inmersiva do escape room.<\/p>\n

\u201cAlerta Verde\u201d \u00e9 un proxecto financiado pola Fundaci\u00f3n Espa\u00f1ola para a Ciencia e a Tecnolox\u00eda (FECYT), co apoio dos fondos FEDER, e forma parte do compromiso do CINTECX por promover unha ciencia aberta, accesible e inclusiva, capaz de chegar a p\u00fablicos diversos e de espertar vocaci\u00f3ns cient\u00edficas desde idades temper\u00e1s.<\/p>\n