{"id":259574,"date":"2025-10-24T14:50:25","date_gmt":"2025-10-24T12:50:25","guid":{"rendered":"https:\/\/cintecx.uvigo.es\/cintecx-amosa-o-lado-mais-humano-da-ciencia-con-camara-aberta-as-mulleres-e-homes-stem\/"},"modified":"2025-10-24T14:51:01","modified_gmt":"2025-10-24T12:51:01","slug":"cintecx-amosa-o-lado-mais-humano-da-ciencia-con-camara-aberta-as-mulleres-e-homes-stem","status":"publish","type":"post","link":"https:\/\/cintecx.uvigo.es\/gl\/cintecx-amosa-o-lado-mais-humano-da-ciencia-con-camara-aberta-as-mulleres-e-homes-stem\/","title":{"rendered":"Cintecx amosa o lado m\u00e1is humano da ciencia con \u2018C\u00e1mara Aberta \u00e1s Mulleres e Homes STEM\u2019"},"content":{"rendered":"
DUVI \u00a024\/10\/2025<\/span><\/section>\n
\n
\n
\n

O Centro de Investigaci\u00f3n en Tecnolox\u00edas, Enerx\u00eda e Procesos Industriais, Cintecx, da Universidade de Vigo celebrou este venres unha nova edici\u00f3n da campa\u00f1a de sensibilizaci\u00f3n en materia de x\u00e9nero\u00a0C\u00e1mara Aberta Cintecx \u00e1s Mulleres e Homes STEM<\/em>, unha iniciativa coa que o centro busca visibilizar a realidade persoal e profesional do persoal investigador, promovendo a igualdade de x\u00e9nero e a conciliaci\u00f3n no \u00e1mbito cient\u00edfico e tecnol\u00f3xico.<\/p>\n

Coincidindo coa recente celebraci\u00f3n do D\u00eda dos Homes pola Igualdade (21 de outubro), o evento, financiado pola Unidade de Igualdade, permitiu co\u00f1ecer de primeira man os testemu\u00f1os gravados de mulleres e homes investigadores do centro, amosando como integran a s\u00faa carreira profesional coa vida persoal. A trav\u00e9s destas voces, identific\u00e1ronse diferenzas, barreiras e elementos de mellora que fomentan a toma de conciencia e a implicaci\u00f3n activa da comunidade cient\u00edfica.<\/p>\n

Unha c\u00e1mara que visibiliza realidades<\/h3>\n

A directora de Cintecx, \u00c1ngeles Sanrom\u00e1n Braga, inaugurou a xornada coa proxecci\u00f3n do v\u00eddeo resumo da campa\u00f1a, que permitiu abrir o debate sobre os retos pendentes e as oportunidades de mellora, grazas aos testemu\u00f1os dos trece investigadores e investigadoras e persoal t\u00e9cnico entrevistados na gravaci\u00f3n.<\/p>\n

A trav\u00e9s de\u00a0entrevistas audiovisuais<\/a>,\u00a0C\u00e1mara Aberta Cintecx \u00e1s Mulleres e Homes STEM<\/em>\u00a0pretende amosar o d\u00eda a d\u00eda dos investigadores e investigadoras m\u00e1is al\u00f3 dos laboratorios. O obxectivo \u00e9 co\u00f1ecer como xestionan as s\u00faas responsabilidades familiares, as tarefas do fogar e os coidados, e como estas dimensi\u00f3ns da vida persoal infl\u00faen \u2014ou se ven influ\u00eddas\u2014 pola s\u00faa traxectoria cient\u00edfica.<\/p>\n

\u201cSe na primeira edici\u00f3n a protagonista foi a experiencia das mulleres investigadoras, nesta nova entrega int\u00e9granse tam\u00e9n os testemu\u00f1os dos homes, co fin de ofrecer unha visi\u00f3n m\u00e1is completa e comparativa. A suma de voces permite identificar diferenzas, barreiras e oportunidades de mellora que contrib\u00faan a unha maior sensibilizaci\u00f3n en materia de x\u00e9nero dentro da comunidade cient\u00edfica\u201d, destacou Sanrom\u00e1n.<\/p>\n

A continuaci\u00f3n, Carmelo Morales P\u00e9rez, enxe\u00f1eiro industrial en Emenasa e representante do Ilustre Colexio Oficial de Enxe\u00f1eiros Industriais de Galicia, abordou os retos da conciliaci\u00f3n na contorna industrial, destacando a necesidade de pol\u00edticas que favorezan a corresponsabilidade e a igualdade de oportunidades.<\/p>\n

Testemu\u00f1os que humanizan a ciencia<\/h3>\n

Christian Gil Pereira, investigador do grupo GTE de Cintecx, compartiu a s\u00faa experiencia persoal dentro da iniciativa C\u00e1mara Aberta, achegando unha visi\u00f3n \u00edntima sobre como compatibiliza a s\u00faa carreira cient\u00edfica coas responsabilidades familiares e os coidados. A s\u00faa intervenci\u00f3n puxo rostro \u00e1 realidade coti\u00e1 de moitos investigadores, rompendo estereotipos e humanizando o perfil cient\u00edfico.<\/p>\n

Seguidamente, Mar Fern\u00e1ndez Cend\u00f3n, t\u00e9cnica da Unidade de Igualdade da Universidade de Vigo, presentou as iniciativas sobre corresponsabilidade e conciliaci\u00f3n e falou en profundidade da iniciativa Homes de coidado, que busca implicar aos homes na corresponsabilidade e visibilizar o seu papel nos coidados, tradicionalmente invisibilizado.<\/p>\n

Igualdade como motor de cambio<\/h3>\n

Un dos momentos centrais da xornada foi a mesa redonda titulada Conciliaci\u00f3n e carreira investigadora. Identificando barreiras e aspectos de mellora, moderada por \u00c1ngeles Sanrom\u00e1n Braga. Nela participaron Carmelo Morales P\u00e9rez (ICOIIG), Marta Pazos Curr\u00e1s (Cintecx), Christian Gil Pereira (Cintecx) e Mar Fern\u00e1ndez Cend\u00f3n (Unidade de Igualdade), quen compartiron as s\u00faas experiencias e reflexi\u00f3ns sobre os desaf\u00edos que enfrontan os investigadores e investigadoras para compatibilizar a vida profesional coa persoal.<\/p>\n

Durante o di\u00e1logo abord\u00e1ronse barreiras estruturais como o impacto da maternidade na carreira investigadora, a esixencia dunha dedicaci\u00f3n extrema que moitas veces impide desconectar, a elevada temporalidade dos contratos, e a falta de reco\u00f1ecemento dos coidados m\u00e1is al\u00f3 da maternidade e paternidade, como o coidado de persoas maiores ou enfermas. Tam\u00e9n se sinalou que, a d\u00eda de hoxe, son maioritariamente as mulleres quen se acollen \u00e1 reduci\u00f3n de xornada, e que os horarios e a distribuci\u00f3n da docencia seguen condicionando as posibilidades reais de conciliaci\u00f3n.<\/p>\n

Marta Pazos destacou que a flexibilidade no \u00e1mbito investigador, lonxe de facilitar a conciliaci\u00f3n, pode converterse nunha trampa: \u201cEstamos sete d\u00edas \u00e1 semana pensando na investigaci\u00f3n. As universidades deber\u00edan axudarnos establecendo prazos e planificaci\u00f3ns que permitan separar a vida profesional da persoal\u201d. Tam\u00e9n subli\u00f1ou que os horarios docentes, que en ocasi\u00f3ns se estenden desde primeira hora da ma\u00f1\u00e1 ata a noite, dificultan a\u00ednda m\u00e1is o equilibrio entre traballo e vida persoal.<\/p>\n

Carmelo Morales coincidiu en que a flexibilidade trouxo avances, pero advertiu que o teletraballo dil\u00fae os l\u00edmites entre fogar e traballo, o que pode xerar novas tensi\u00f3ns. Christian Gil, pola s\u00faa parte, defendeu a necesidade de protexer institucionalmente os tempos de coidado: \u201cSe imos estar m\u00ednimo 35\u201340 anos traballando, dedicar un ou dous anos ao coidado dos fillos de maneira \u00edntegra e estando protexidos pola administraci\u00f3n \u00e9 algo que a nosa sociedade se pode permitir.\u201d<\/p>\n

Mar Fern\u00e1ndez Cend\u00f3n insistiu en que o teletraballo non debe confundirse cunha medida de conciliaci\u00f3n, sen\u00f3n que \u00e9 simplemente unha f\u00f3rmula laboral que require l\u00edmites claros: \u201cHai que po\u00f1er atenci\u00f3n nos horarios e na desconexi\u00f3n dixital. Hai empresas e centros que xa non po\u00f1en reuni\u00f3ns antes das 9:30 h para facilitar a conciliaci\u00f3n.\u201d<\/p>\n

A pesar dos retos, tam\u00e9n se reco\u00f1eceron avances importantes nos \u00faltimos anos, como a ampliaci\u00f3n da baixa de paternidade, a reduci\u00f3n da carga docente nos primeiros anos de maternidade, a aplicaci\u00f3n de medidas correctoras na avaliaci\u00f3n de publicaci\u00f3ns cient\u00edficas durante os dous primeiros anos de maternidade, e a implantaci\u00f3n de horarios flexibles na maior\u00eda dos casos.<\/p>\n

A mesa redonda conclu\u00edu cunha chamada colectiva a seguir avanzando cara a unha investigaci\u00f3n m\u00e1is humana, que reco\u00f1eza os tempos vitais e promova unha cultura de corresponsabilidade real, onde homes e mulleres se impliquen como axentes de cambio.<\/p>\n