DUVI 25\/01\/2024
\nDespois de case 20 anos de traballo, o detector Califa xa est\u00e1 listo para funcionar en Alema\u00f1a. Liderado polo Instituto Galego de F\u00edsica de Altas Enerx\u00edas (IGFAE), centro mixto da Universidade de Santiago de Compostela e a Xunta de Galicia, este calor\u00edmetro conta coa participaci\u00f3n de investigadores de CINTECX da Universidade de Vigo. Os seus \u00faltimos m\u00f3dulos instal\u00e1ronse esta semana no laboratorio de f\u00edsica nuclear FAIR.<\/p>\n
O proxecto arrancou en 2005 e un ano despois incorpor\u00e1ronse investigadores do grupo CIMA da Universidade de Vigo. Na actualidade, a instituci\u00f3n viguesa forma parte da iniciativa a trav\u00e9s do grupo de Dese\u00f1o e Simulaci\u00f3n Num\u00e9rica en Enxe\u00f1ar\u00eda Mec\u00e1nica (DSN), adscrito ao Cintecx. Dirixido polo profesor Enrique Casarejos, o equipo vigu\u00e9s \u00e9 o art\u00edfice do dese\u00f1o e construci\u00f3n da estrutura mec\u00e1nica do detector. Ademais, varias empresas galegas, especializadas na fabricaci\u00f3n de fibra de carbono, mecanizado de precisi\u00f3n e metrolox\u00eda, achegaron tam\u00e9n o seu co\u00f1ecemento a esta iniciativa.<\/p>\n
Este calor\u00edmetro \u00e9 capaz de detectar simultaneamente part\u00edculas cargadas e radiaci\u00f3n gamma, cubrindo un rango enerx\u00e9tico \u201csen precedentes\u201d: dos kiloelectr\u00f3nvoltios (KeV) a centos de megaelectr\u00f3nvoltios (MeV). A tecnolox\u00eda de detecci\u00f3n utilizada neste tipo de detectores, as\u00ed como as t\u00e9cnicas de reconstruci\u00f3n da informaci\u00f3n obtida, indican os seus responsables, son semellantes \u00e1s que se desenvolven no campo da imaxe m\u00e9dica. De feito, engaden, a I+D realizada para Califa deu p\u00e9 a un proxecto de \u201cproba de concepto\u201d cuxa finalidade \u00e9 acelerar a transferencia de co\u00f1ecemento e resultados xerados no \u00e1mbito da investigaci\u00f3n fundamental.<\/p>\n","protected":false},"excerpt":{"rendered":"