{"id":256490,"date":"2024-10-09T09:22:15","date_gmt":"2024-10-09T07:22:15","guid":{"rendered":"https:\/\/cintecx.uvigo.es\/a-ciencia-ilumina-a-noite-galega-das-persoas-investigadoras\/"},"modified":"2024-10-09T09:22:15","modified_gmt":"2024-10-09T07:22:15","slug":"a-ciencia-ilumina-a-noite-galega-das-persoas-investigadoras","status":"publish","type":"post","link":"https:\/\/cintecx.uvigo.es\/en\/a-ciencia-ilumina-a-noite-galega-das-persoas-investigadoras\/","title":{"rendered":"A ciencia ilumina a Noite Galega das Persoas Investigadoras"},"content":{"rendered":"

DUVI 27\/09\/2024
\nMiles de pequenas caras con xesto de asombro suced\u00e9ronse hoxe no transcurso do m\u00e1is dun cento de actividades de divulgaci\u00f3n cient\u00edfica e tecnol\u00f3xica celebradas co gallo da Noite Galega das Persoas Investigadoras nas r\u00faas, parques, bares e museos de Vigo, Ourense, Pontevedra, Santiago de Compostela, A Coru\u00f1a, Ferrol e Lugo. Coordinada pola Universidade de Vigo, a G-Night volveu sacar hoxe a ciencia dos laboratorios e das aulas acheg\u00e1ndoa a nenas e nenos e persoas adultas que, baixo o lema Conciencias creativas, sum\u00e1ronse nas principais cidades galegas \u00e1 Noite Europea das Persoas Investigadoras, un proxecto de divulgaci\u00f3n cient\u00edfica promovido pola Comisi\u00f3n Europea, que se desenvolve simultaneamente en case 400 cidades europeas dende 2005. <\/p>\n

O reitor da UVigo, Manuel Reigosa, foi o encargado esta tarde na sede que a instituci\u00f3n ten no centro da cidade de Vigo de expresar a s\u00faa satisfacci\u00f3n polo traballo que desenvolve o persoal investigador da universidade viguesa, \u201camosando cada d\u00eda que estamos enormemente activos en investigaci\u00f3n e contribu\u00edndo ao progreso\u201d. O reitor manifestou o seu desexo de que nenas e nenos que participaron hoxe nas actividades da G-Night atopasen unha vocaci\u00f3n, que \u201cdentro de 20 anos vos leve a lembrar que estivestes aqu\u00ed e ent\u00f3n sexades v\u00f3s os que expliquedes as investigaci\u00f3ns que estades realizando\u201d, un traballo, que segundo Reigosa, a sociedade precisa para ser mellor e que \u201calumea o cami\u00f1o\u201d.<\/p>\n

En representaci\u00f3n do Concello de Vigo, a tenente de alcalde e responsable das \u00e1reas de Tecnolox\u00eda e Emprego e tam\u00e9n docente da UVigo, Ana Mej\u00edas, deulle os parab\u00e9ns \u00e1 UVigo \u201cpolo importante traballo que desenvolver para a cidade\u201d e agradeceu o traballo das e dos cient\u00edficos e tecn\u00f3logos que amosan a importancia da ciencia e tecnolox\u00eda para o futuro, o benestar e sostibiidade do planeta. Pola s\u00faa banda, a vicerreitora da Investigaci\u00f3n da UVigo, Bel\u00e9n Rubio, destacou a importancia do evento \u201cpara que saibades que se fai na nosa universidade\u201d e animou \u00e1s e aos asistentes a gozar co contido de todos os postos nos que cient\u00edficos e cient\u00edficas dos centros de investigaci\u00f3n da UVigo (atlanTTic, CIM, Cintecx, etc..) amosaron o seu traballo.<\/p>\n

CINTECX presente nas charlas e experimentos<\/h3>\n

O edificio Redeiras, na praza do Berb\u00e9s, foi o epicentro un ano m\u00e1is da G-Night en Vigo, cunha gran feira cient\u00edfica, integrada por unha vintena de postos, nos que as persoas asistentes participaron dunha morea de actividades que lles permitiron, da man de investigadores e investigadoras da UVigo e trav\u00e9s de amenos experimentos, achegarse ao universo, aos materiais, a acuicultura, a intelixencia artificial, monitorizaci\u00f3n de aves mari\u00f1as, o tratamento das augas, agroecolox\u00eda, comunicaci\u00f3ns dixitais, nanopart\u00edculas plasm\u00f3nicas ou ciencia econ\u00f3mica. <\/p>\n

Entre as actividades nas que participaron os investigadores e investigadoras de CINTECX atop\u00e1base o obradoiro ‘Soluci\u00f3ns claras para auga limpa’ organizada polo grupo BIOSUV con Aida D\u00edez Sarabia, Silvia Escudero Curiel e Ant\u00f3n Puga Pazo, onde mostraron t\u00e9cnicas sorprendentes para eliminar os contaminantes das nosas augas. As investigadoras de CINTECX, Xanel Vecino Bello e Benita P\u00e9rez Cid, estiveron no obradoiro ‘Aplicaci\u00f3ns reais da enxe\u00f1ar\u00eda industrial’ da Escola de Enxe\u00f1ar\u00eda Industrial (EEI) explicando aos asistentes os biosurfactantes e novos compostos biodegradables. Tam\u00e9n neste obradoiro, Sheila Silva Fern\u00e1ndez e Ram\u00f3n Novoa, do grupo ENCOMAT, explicaron os procesos de corrosi\u00f3n na enxe\u00f1ar\u00eda dos materiais. Da man da Escola de Enxe\u00f1ar\u00eda de Minas e Enerx\u00eda (EME), a investigadora Carmen Mari\u00f1o, do grupo ENCOMAT, participou no obradoiro ‘Materiais: ciencia ficci\u00f3n ou realidad?’ onde mostrou as propiedades sorprendes dalg\u00fans materiais com\u00fans e non tan com\u00fans.<\/p>\n

As actividades da G-Night en Vigo complet\u00e1ronse este venres na biblioteca Neira Vilas coa charla cient\u00edfica Na procura da potencia perdida: a Espa\u00f1a solar que non foi con Ana Larra\u00f1aga, do Grupo de Investigaci\u00f3n de Tecnolox\u00eda Enerx\u00e9tica (GTE), e Juan Jes\u00fas Rico, do Laboratory of Transport Processes da TU Dortmund e colaborador do GTE do Cintecx e no espazo anexo ao Marco, onde persoal investigador e t\u00e9cnico do Centro Oceanogr\u00e1fico de Vigo compartiu o seu traballo co p\u00fablico a trav\u00e9s de talleres cient\u00edficos. <\/p>\n

Nas imaxes: Ana Larra\u00f1aga na charla da Biblioteca Neira Vilas. En Redeiras: Xanel Vecino e Benita P\u00e9rez, Silvia Escudero, Aida D\u00edez, Ant\u00f3n Puga, Xos\u00e9 Ram\u00f3n Novoa e Sheila Silva.<\/em>
\n