FA5
A nosa misión é contribuír á mellora do benestar das persoas e ao desenvolvemento sostible da nosa sociedade, potenciando o territorio a través da xeración e transmisión de coñecemento. Para cumprir estes obxectivos, debemos orientar a actividade investigadora do grupo á solución dos retos aos que se enfronta o sector produtivo, madurando as novas técnicas desenvolvidas nos laboratorios de investigación cara á súa aplicación no mundo empresarial.
Liñas de investigación
- Macroprocesado. Aplicacións de procesamento que utilizan láseres de alta potencia onde a escala dimensional dos resultados supera os centos de micrómetros. Exemplos: corte, soldadura, recubrimentos de superficies, fabricación aditiva.
- Microprocesado. Neste caso, a escala dimensional dos resultados é da orde do micrómetro ou decenas de micrómetros. Exemplos: microcorte, microperforación, micro-soldadura, micro-revestimento, micro- texturizado.
- Nanoprocesado. Síntese de materiais asistida por láser na escala da orde do nanómetro ou algunhas decenas de nanómetros. Exemplos: xeración de nanopartículas e nanofibras.
IPS
- Fernando Lusquiños Rodríguez (Macroprocesado e Ciencias da vida).
- Mohamed Boutinguiza (Nanoprocesado, Ciencias da vida e Saúde).
- Félix Quintero Martínez (Nanoprocesado).
- Antonio Riveiro Rodríguez (Microprocesado, Ciencias da vida e Saúde).
- Rafael Comesaña Piñeiro (Macroprocesado e Saúde).
- Jesús del Val García (Microprocesado industrial).